urdu pakistani ghazal in a mehfil:
poet: faiz ahmad faiz
ham ke Thehare ajanabii itnii madaaraatoN ke baad
phir baneiNge aashnaa kitnii mulaaqaatoN ke ba'ad
kab nazar meiN aayegii bedaaG sabze kii bahaar
Kuun ke dhabbe dhuleiNge kitnii barasaatoN ke ba'ad
dil to chaahaa par shikast-e-dil ne mohlat hii na dii
kuchh gile-shikave bhii kar lete munaajaatoN ke ba'ad
thay bohat bedard lamhe Katm-e-dard-e-ishq ke
thiiN bohat bemehar subheiN meharbaa.N raatoN ke ba'ad
un se jo kehne gaye the "Faiz" jaaN sadaqaa kiye
ankahii hii reh ga_ii vo bat sab baatoN ke ba'ad
mehfil nayyaranoor
Subscribe to:
Post Comments (Atom)
No comments:
Post a Comment